Masallıda yol qəzasında xəsarət alanların kimliyi məlum olub - Yenilənib

Masallıda baş verən qəzada xəsarət alanların adları məlum olub.

''Report''un Cənub bürosu xəbər verir ki, Masallı Rayon Mərkəzi Xəstəxanasına daxil olan yaralılar bunlardır:

1. 2000-ci il təvəllüdlü İsmət Qalib oğlu Heydərli, sol çiyin çıxığı və sol bazu sınığı,

2. 1997-ci il təvəllüdlü Nicat Əhmədullah oğlu İsmayılov, döş qəfəsi əziyi,

3. 2001-ci il təvəllüdlü Zeynəb Vüqar qızı Hüseynova, döş qəfəsi əziyi,

4. 1982-ci il təvəllüdlü Kamal Orucəli oğlu Təhməzov, döş qəfəsi əziyi, sol çanaq əziyi,

5. 1990-cı il təvəllüdlü Zeynəb Zakir qızı Ağayeva, döş qəfəsi əziyi,

6. 2020-ci il təvəllüdlü Gülnur Kamal qızı Təhməzli, sol aşıq baldır əziyi,

7. 2022-ci təvəllüdlü Kamil Kamal oğlu Təhməzli, bud sümüyünün sınığı diaqnozu.

Xəsarət alanların vəziyyəti sabitdir.

***

DİN-in Mətbuat xidmətinin Lənkəran regional qrupunun baş inspektoru, polis kapitanı Məhəmməd Rzayev "Report"un cənub bürosunun sorğusuna cavab olaraq bildirib ki, fevralın 19-da saat 14 radələrində Masallı rayonunun Binə Xocavar kəndi ərazisində rayonun Çaxırlı kənd sakini K.Təhməzovun idarə etdiyi "Mercedes" markalı avtomobillə Balakən rayon sakini N.İsmayılovun idarə etdiyi digər bir "Mercedes" markalı avtomobili toqquşub.

Qəza nəticəsində ümumilikdə 7 nəfər müxtəlif bədən xəsarətləri alıb.

Faktla bağlı araşdırma aparılır.

***

Masallıda iki avtomobil toqquşub, 6 nəfər xəsarət alıb.

''Report''un Cənub bürosu xəbər verir ki, hadisə rayonun Çaxırlı kəndi ərazisində qeydə alınıb.

Xəsarət alanların Masallı Rayon Mərkəzi Xəstəxanasına aparıldığı bildirilir.

poliqon.info