The Economic Times: Pakistan Ukraynaya 10.000 Qrad raketi göndərib…

Poliqon.info xəbər verir ki, bu barədə The Economic Times mənbələrə istinadən məlumat yayıb.

Qəzetin mənbələrinin məlumatına görə, bir aydan sonra silahlar Almaniyanın Emden limanı vasitəsilə Ukraynaya gələcək.

Mənbələr bildiriblər ki, Pakistan Rusiyadan neftin qiymətini aşağı salmağı xahiş etsə də, İslamabad hakimiyyəti davamlı olaraq Ukraynaya silah yollayır. Bildirilir ki, təkcə yanvarda Pakistan artilleriya zavodları Ukraynaya 50 min mərmi göndərib.

Qəzetin yazdığına görə, Pakistan üçüncü ölkələr vasitəsilə Ukraynaya silah ötürür. Məsələn, hərbi yüklərdən biri Polşanın Qdansk limanı vasitəsilə göndərilib.

Mənbələrin The Economic Times-a verdiyi məlumata görə, Ukrayna silah tədarükü müqabilində Mİ-17 helikopterlərinin modernləşdirilməsinə yardım edəcəyinə söz verib. Bundan əlavə, qəzet yazır ki, Pakistandakı Nur-Xan aviabazası Ukraynaya silah ötürən Britaniya Hərbi Hava Qüvvələri üçün tranzit məntəqəsi olub.

The Economic Times qeyd edir ki, 1991-ci ildən 2020-ci ilə qədər Ukrayna və Pakistan təxminən 1,6 milyard dollar dəyərində silah müqaviləsi imzalayıb. Pakistan Ukraynadan 320 ədəd T-80 tankı alıb, həmçinin tankların təmiri üçün 85,6 milyon dollarlıq müqavilə imzalayıb.

Poliqon.info