Moskva Azərbaycan və Ermənistan arasında sülh müqaviləsinin imzalanmasının mane olur…
PİA.az xəbər verir ki, Amerikanın aparıcı və nüfuzlu siyasi nəşrlərindən olan The Hill-də “Rusiya Dağlıq Qarabağı başqa Krıma çevirir” başlıqlı məqalə dərc olunub. Məqalədə deyilir:
“Moskva Azərbaycanın öz ərazisini qaytarmasına imkan verməməklə özünü erməni maraqlarının müdafiəçisi kimi göstərir və Bakı ilə İrəvan arasında sülh müqaviləsinin imzalanmasına mane olur. Kreml Vardanyanı Ermənistanın baş naziri Paşinyanı əvəzləməyə hazırlayır. Vardanyan administrasiyası Dağlıq Qarabağın Azərbaycandan ayrılmasını qanuniləşdirmək üçün onun əhalisinin tərkibinə dair yalan məlumatlar dərc edir və bu, Moskvanın Ukrayna ərazilərinin ilhaqına haqq qazandırmaq üçün istifadə etdiyi taktikadır”.
Məqalədə qeyd olunur ki, Qarabağdakı anklavın “dövlət naziri” 120 minə yaxın erməninin blokadada olduğunu iddia edərək, əhalinin sayını 3 dəfə şişirdir. Son hesablamalara görə, bu rəqəm 40 min nəfərə yaxındır.
“Rusiyanın Dağlıq Qarabağ üzərində nəzarəti və Ermənistanda hökmranlıq etmək niyyəti Türkiyə, NATO, Rusiya və İranın iştirak edəcəyi münaqişəyə təkan verə bilər. Sabitliyin daha da pozulmasının qarşısını almaq üçün Vaşinqton, NATO və Aİ Dağlıq Qarabağdakı rus qoşunlarını beynəlxalq sülhməramlı missiya ilə əvəz etmək üçün beynəlxalq dəstəyi səfərbər etməlidir”, deyə məqalənin müəllifi fikrini yekunlaşdırıb.
pia.az
Digərxəbərlər
Populyar xəbərlər
