Aleksey Navalnı: “Lənət gəlmişlər, geri qayıdın...”

Rusiya müxalifətinin lideri Aleksey Navalnı Rusiyanin İctimai Nəzarət Komissiyasının (İNK) üzvlərinin onu ziyarətindən sonar həbsxanadakı saxlanma şəraitinin daha da pisləşditrini bildirib.

PİA.az xəbər verir ki, bu barədə Aleksey Navalnının telegram kanalında məlumat yayılıb.

Müxalif siyasətçinin sözlərinə görə, ona dərman verməkdən imtina edilib kamerada həddindən artıq gur və parlaq yanan lampalar quraşdırılıb.

Navalnının İctimai Nəzarət Komissiyasına ünvanladığı müraciətdə deyilir:

“Hesabatınızın sonuna “Yalnız işıqlandırma ilə bağlı problem var” ifadəsini əlavə etdiniz. Buna görə də, sizin səfərinizdən sonra 2x3 metrlik kamerama nəhəng lampanın qoyulması istisna olmaqla, heç nə dəyişmədi. Hətta sizin gətirdiyiniz dərmanlar belə mənə verilməyib. Kameramdakı çox parlaq lampa isə gecə-gündüz yanır. Buna görə də təbii işıqlandırmam yox olub. Mənim kameramda süni işıqlandırma o qədər güclüdür ki, istənilən əməliyyat otağı buna həsəd aparar”.

Navalnı qeyd edib ki, bu gur işıq onun kamerasında 16 saat yanır və belə davam edərsə, o, üç ay ərzində kor ola bilər.

“Lənət gəlmişlər, geri qayıdın və hər şeyi əvvəlki qaydaya qaytarın”, deyə Aleksey Navalnı İctimai Nəzarət Komissiyasına səslnib.

pia.az