“Mən sanksiyalara qarşı çıxdım” - Almaniyanın yeni müdafiə naziri kimdir?

Böhranın ən qızğın çağında alman hərbi qurumunun rəhbərliyinə “kəndli davranışlı və iti dilli” biri gətirilib. 62 yaşlı Boris Pistorius haqqında nə məlumdur?

PİA.az xəbər verir ki, Spiegel onlayn-a görə, regional siyasətçi Boris Pistorius təcili Berlinə uçmalı olacağına həqiqətən də inanmayıb

Almaniya kansleri Olaf Şolts hökumətində ilk istefa baş verdi. Kristin Lambrext cəmi 13 ay müdafiə naziri vəzifəsində qala bildi. O, dikdabanla zirehli gödəkçə geyinərək Malidəki səhrada parad keçirdi, rotaları və diviziyaları səhv saldı və təsadüfən müttəfiqlərin gizli planlarını ortaya qoydu. 57 yaşlı Lambrextin dediyinə görə, o, medianın sıx diqqəti səbəbindən” vəzifəsində getməyə məcbur olub.

Lambrextin əvəzinə Şolts SPD-nin başqa bir müttəfiqi, 62 yaşlı Boris Pistoriusu müdafiə departamentinin rəhbəri təyin etdi. Son on il ərzində Pistorius Aşağı Saksoniyada Daxili İşlər Nazirliyinə rəhbərlik edib və islamçılar, ifrat sağçılar və xarici hakerlərlə mübarizə aparıb. İndi o, böhranlı bir vaxtda Bundesverin yenidən təchiz edilməsi ilə məşğul olmalı və Ukraynaya ağır silahların verilməsində “qətiyyətsizliyə” görə tənqidlərə məruz qalacaq.

“Qırmızı general”

Pistoriusun özü müdafiə naziri təyin olunması ilə bağlı xəbəri Madeyradan tətildən qayıdarkən öyrənib. Şayiələrə görə, regional siyasətçi təcili Berlinə uçmalı olacağına həqiqətən də inanmayıb. Məsələ onda deyil ki, onun belə ambisiyaları yoxdur. Şoltsun seçimi sadəcə olaraq hökumətdə gender bərabərliyini qorumaq vədini pozub. İndi yeddi Kabinetdə 7qadın və doqquz kişi var.

“Sosial Demokrat Partiyası və Yaşıllar Partiyasındakı feministlər indi Şoltsu prinsipini pozduqlarına görə qınayacaqlar. Bununla belə, ehtimal etmək olar ki, Şolts yaxın zamanda Kabinetdə yeni dəyişiklik edəcək və hansısa kişi nazirin yerinə qadın gələcək”, deyə alman politoloqu Aleksandr Rahr Spiegel onlayn-a deyib.

Şolts və Pistorius bir-birlərini çoxdan tanıyırlar, lakin heç vaxt yaxın olmayıblar. 2019-cu ildə onlar hətta SPD-nin prezidentliyi uğrunda yarışda bir-biri ilə yarışdılar, deyə Spiegel onlayn xatırladır.

pia.az