Nepaldakı təyyarə qəzasında ölənlərin sayı 70-ə çatıb

PİA.az Türkiyə mətbuatına istinadən xəbər verir ki, yanvarın 15-də Nepalda qəzaya uğrayan 68 sərnişin və 4 ekipaj üzvü olan təyyarədə ölənlərin sayı 70-ə yüksəlib.

Paytaxt Katmandudan Poxaraya havalanan Yeti Hava Yollarına məxsus “ATR 72” tipli sərnişin təyyarəsinin qəzaya uğradığı Seti çayı vadisi yaxınlığında axtarış işləri davam edir.

Araşdırmalarda qəzada həyatını itirənlərin sayı 70-ə yüksəlib, lakin 2 nəfərin cəsədi hələ də tapılmayıb.

Səlahiyyətlilər kimliyi müəyyən edilən cəsədlərin ailələrinə təhvil verilməyə başlandığını, lakin şəxsiyyətləri hələlik müəyyən edilməmiş xarici vətəndaşların cəsədlərinin Katmanduya göndərildiyini açıqlayıb.

pia.az