Təyyarələr İran təqvimi ilə yeni ilin əvvəlində, yəni martın 21-dən sonra ölkəyə gətiriləcək…
Yanvarın 15-də İran parlamentinin milli təhlükəsizlik və xarici siyasət komissiyasının üzvü Şəhriyar Heydəri ilk dəfə olaraq İranın Rusiyadan Su-35 qırıcıları aldığını açıqlayıb.
PİA.az xəbər verir ki, bu barədə Tasnim news məlumat yayıb.
Heydari bildirib ki, təyyarələr İran təqvimi ilə yeni ilin əvvəlində, yəni martın 21-dən sonra ölkəyə gətiriləcək. O, İranın Rusiyadan qırıcı təyyarələrlə yanaşı, helikopterlər, raketlər və hava hücumundan müdafiə sistemləri də aldığını açıqlayıb. Lakin alınan texnikanın sayını açıqlamayıb.
Bildirilir ki, Rusiya təyyarələri əvvəlcə Misir üçün nəzərdə tutulub və Moskva və Qahirə onların tədarükü üçün 2019-cu ilin əvvəlində müqavilə imzalayıb. Həmin vaxt sövdələşmənin məbləği 2 milyard dollar qiymətləndirilirib. Lakin daha sonra Misir, ehtimal ki, ABŞ-ın sanksiyaları təhlükəsi səbəbindən təyyarədən imtina edib.
Xatırladaq ki, dekabrın sonunda Qərb kəşfiyyatı Rusiyanın “kamikadze dronları” müqabilində İrana 24 Su-35 qırıcısı ötürmək niyyətində olduğunu bildirmişdi.
pia.az