Şahzadələr Harri və Uilyam Meqana görə əlbayaxa olublar…

PİA.az xəbər verir ki, bu barədə The Guardian nəşri məlumat yayıb.

The Guardianşahzadə Harrinin xatirələrinə istinadla xəbər verir ki, Sasexs hersoqu Harri, böyük qardaşı, Uels şahzadəsi Uilyamın aktrisa Meqan Markl ilə evliliyinə görə münasibətlərinin pozulduğundan və buna görə də iki qardaşın dalaşıblar. Hadisənin 2019-cu ildə baş verdiyi bildirilir.

Xatirələr kitabında Harri yazıb ki, Uilyam bir dəfə mətbuatda onların kral ailəsi ilə gərgin münasibətləri və qalmaqalların işıqlnadırılmasını müzakirə etmək üçün onu Nottingem Kottecində görməyə gəlib. Söhbət zamanı qonaq Meqanı çətin yola gedilən və kobud adlandırıb. Bundan sonra isə iki qardaş tutuşublar. Harrinin sözlərinə görə, Uilyam onun yaxasından tutub yerə yıxıb.

“O əlindəki suyu yerə qoydu, məni başqa adla çağırdı, sonra yanıma gəldi. Hər şey çox tez baş verdi. Çox sürətli. Yaxamdan tutdu, boyunbağımı qırıb yerə yıxdı. Mən itin yem qabının üstünə yıxıldım və sınan qabın qırıntıları kürəyimi deşdi. Mən qardaşımın bu hıərəkətindən mat qaldım, sonra ayağa qalxdım və ondan çıxıb getməsini tələb etdim”, deyə Harri memuarında yazıb.

Şahzadə əlavə edib ki, Vilyam uşaqlıqda aralarında olan mübahisələri xatırlayaraq, cavab zərbəsi endirmək istəyib, lakin bunu etməyib. Harrinin dediyinə görə, qardaş gedib, lakin sonradan “təəssüf və üzrxahlıqla” geri qayıdıb.

Qeyd edək ki, şahzadə Harrinin “Ehtiyatda olan” adlı memuar kitabı yanvarın 9-da işıq üzü görəcək. Yanvarın 10-da isə kitab mağazalarda satılacaq.

Bir müddət əvvəl isə Netflix Harry və Meghan haqqında sənədli film yayımlamış və bu film Bukingem Sarayını çalxalamışdı.

pia.az