Tailannda meymun turistdən içində külli miqdarda pul olan çantanı qaparaq uçrumdan aşağı atıb...
PİA.az xəbər verir ki, bu barədə The Thaiger məlumat yayıb.
Tailandda meymun turistdən külli miqdarda pul olan çantanı oğurlayaraq uçurumdan aşağı atıb. The Thaiger yazır ki, hadisə Tailandın Sisaket əyalətindəki Khao Phra Wihan Milli Parkında baş verib.
Qadın kömək üçün yerli mühafizəçilərə müraciət edib. Səyahətçi deyib ki, vəhşi heyvan çantanı qaparaq, orada yemək axtarıb və heç nə tapmayanda onu qayadan atıb. Çantada sənədlərdən əlavə şəxsi əşyalar və demək olar ki, 100 min rubl nağd pul olub.
Mühafizə əməkdaşları yüz metrlik uçurumdan enərək, çantanı yuxarı qaldırıblar. Mühafizəçilər uçurumda çantadan başqa müxtəlif vaxtlarda meymunlar tərəfindən oğurlanmış başqa əşyalar da tapıblar.
Parkın rəhbəri bildirib ki, ərazidəki vəhşi meymunlar özlərini aqressiv aparır, mütəmadi olaraq turistləri soyurlar.
pia.az