Saratovda, “Engels” aerodromunun ərazisində patlayışlar baş verib - Video

PİA.az xəbər verir ki, sosial şəbəkələr və teleqram kanalları yerli sakinlərə istinadən Saraov vilayətində yerləşən strateji “Engels” aerodromunun yaxınlığında partlayışlar barədə məlumat yayıb.

Partlayışlarla bağlı Saratov vilayətinin qubernatoru Roman Busarqin iddia ediB ki, sakinlər üçün heç bir təhlükə yoxdur, hərbi obyektdə insidentlə bağlı məlumat yoxlanılır.

“Осторожно, новости” teleqram kanalı yerli sakinlərə istinadən xəbər verir ki, bazar ertəsi, dekabrın 26-na keçən gecə Engelsdə ehtimal ki, aerodromda partlayışdan (yaxud partlayışlardan) sonra həyəcan siqnalı işə düşübə

Baza, teleqram kanalı isə mənbəyə istinad etmədən, partlayış nəticəsində 3 nəfərin öldüyünü, 4 nəfərin isə yerləşdirildiyini bildirib. Baza-nın bildirdiyinə görə Saratovda fövqəladə vəziyyət elan edilib və və 120 kvadratmetrlik yanğın baş verib.

The Bell qəzetinin Rusiya versiyası isə yazır ki, Engelsdəki aerodrom “Rusiyanın nüvə “triadası”na daxil olan strateji aviasiyanın əsas bazasıdır”.

Saratov vilayətinin qubernatoru Roman Busargin teleqram kanalında yazıb ki, şəhərin yaşayış massivlərində fövqəladə vəziyyət yoxdur. Onun sözlərinə görə, “sakinlər üçün qətiyyən təhlükə yoxdur”. O, şəhərdən təxliyə ilə bağlı yayılan xəbərləri ölkə hüdudlarından çox-çox kənarda yaradılan açıq-aşkar yalan adlandırıb.

Qubernator həmçinin qeyd edib ki, mülki infrastruktur obyektlərinə ziyan dəyməyib, hüquq-mühafizə orqanları hərbi obyektdə insidentlə bağlı məlumatları yoxlayır.

“Xatırladıram ki, bilərəkdən yalan məlumatın yayılmasına görə cinayət məsuliyyəti nəzərdə tutulur. Bununla bağlı saytlarda, KİV-də və vətəndaşlarda olan bütün məlumatlar dərhal hüquq-mühafizə orqanlarına göndərilir”, deyə o vurğulayıb.

Müdafiə Nazirliyi hələlikEngels” aerodromundakı fövqəladə vəziyyətlə bağlı məlumatı şərh etməyib.

pia.az