ABŞ Konqresi Rusiyanın BMT Təhlükəsizlik Şurasından çıxarılmasına dair qətnaməni müzakirə edəcək…
PİA.az xəbər verir ki, bu barədə Foreign Policy qəzeti məlumat verib. Nəşr qeyd edib ki, sənəd məcburi xarakter daşımasa da, Rusiyanın nüfuz dairəsinin daraldılmasını hədəfləyir.
ABŞ Konqresinin Helsinki Komissiyasının üzvləri, konqresmenlər Stiven Koen və Co Uilson parlamentə ABŞ prezidenti Konqresə Rusiyanın BMT Təhlükəsizlik Şurasının daimi üzvlüyündən kənarlaşdırmağa çağıran qətnamə təqdim ediblər.
Qətnamədə deyilir ki, ABŞ Konqresi Rusiyanın BMT Nizamnaməsini “kobud şəkildə pozması”na, o cümlədən Ukrayna ərazisinin bir hissəsinin qanunsuz ilhaqına cəhdinə, Ukraynada mülki əhaliyə qarşı cinayətlərə və nüvə müharibəsi təhlükələri yaratdığına görə Rusiyanın Təhlükəsizlik Şurasına daimi üzv olmaq hüququnu şübhə altına alır.
Qeyd edək ki, BMT Nizamnaməsində bir ölkənin Təhlükəsizlik Şurasına daimi üzvlüyündən məhrum edilməsi imkanları nəzərdə tutulmur. Lakin buna baxmayaraq bu prosedur Baş Assambleya üzvlərinin üçdə ikisinin razılığı və Təhlükəsizlik Şurasının yekdilliklə təsdiqini tələb edir.
Qətnamə məcburi xarakter daşımır, lakin bu təşəbbüs Rusiyanın BMT-də təsirinin məhdudlaşdırılması məsələsinin müzakirə olunduğu Konqres və Ağ Evdəki əhval-ruhiyyəni əks etdirir, deyə Foreign Policy qeyd edir. Əsas ideya isə Rusiyanın BMT-də Sovet İttifaqının hüquqi varisi statusunu tanımaamqdan ibarətdir.
Qeyd edək ki, BMT-nin təsisçi dövlətlərindən biri olan SSRİ-ni bu təşkilatda qurucu üzv olaraq Rusiya, Ukrayna və Belarus təmsil edib. Ukrayna SSRİ-nin bu üç varisi dövlətindən BMT Nizamnaməsini pozmayan yeganə dövlət kimi Təhlükəsizlik Şurasına üzv olmaq hüququnu bəyan edə bilər və bu da Təhlükəsizlik Şurasının daimi üzvü kimi Kiyevə nümayəndəlik səlahiyyətlərini verir.
Bildirilir ki, nəzəri cəhətdən belə səlahiyyətlərin təsdiqi üçün BMT Təhlükəsizlik Şurasının yalnız doqquz üzvünün razılığı lazımdır. Planın mümkünlüyü Rusiyanın daimi üzvlük hüququnun şübhə altına alınmadığı otuz illik presedentə görə mütəxəssislər arasında müzakirə mövzusu olaraq qalır.
Tərcümə PİA.az-a aiddir
pia.az