Neymarın korrupsiya və dələduzluq işi üzrə hökm oxundu

PİA.az Türkiyə mətbuatına istinadən xəbər verir ki, İspaniya məhkəməsindən verilən açıqlamaya görə, Fransa 1-ci Futbol Liqası komandalarından biri olan Paris Saint-Germain (PSJ) klubunda çıxış edən braziliyalı ulduz futbolçu Neymar 2013-cü ildə Santosdan Barselona transferində korrupsiya və fırıldaqçılıq ittihamı ilə açılan iddiadan bəraət alıb.

Bu qərardan sonra Neymar və onun atası, Barselonanın keçmiş klub prezidentləri Sandro Rosell və Xosep Mariya Bartomeu onlara qarşı irəli sürülən ittihamlardan bəraət alıblar.

Neymar hələ 17 yaşında olarkən onun transfer hüququnun 40%-ni alan “DIS Group” bu futbolçunun Barselona ilə anlaşaraq başqa komandalara təklif verməsinin qarşısının alındığını və onun transfer haqqını ala bilməyəcəyini iddia edərək məhkəməyə müraciət edib.

Yalnız Neymarın anasına qarşı ittihamları geri götürən DIS braziliyalı futbolçu üçün 5 il və 159 milyon avro, Barselonanın keçmiş klub prezidentləri Sandro Rosell və Josep Maria Bartomeu üçün 5 il həbs, 6 il idman meneceri vəzifələrindən uzaqlaşdırılma və 195 milyon avro cəza tələb etmişdi.

Qeyd edək ki, oktyabr ayında prokurorluğun bütün ittihamları geri götürməsindən sonra qərara etiraz edən “DIS Group” vəkilləri bu dəfə Neymara 2,5 il həbs cəzası verilməsi üçün müraciət ediblər.

pia.az