Pentaqon Türkiyəni Suriyada özünə təhdid görür

PİA.az xəbər verir ki, çərşənbə günü Pentaqondan bildiriblər ki, Türkiyənin Suriyanın şimalına yönəlik hava hücumları oradakı ABŞ hərbçilərinin təhlükəsizliyini təhdid edir və vəziyyətin gərginləşməsi İŞİD yaraqlılarına qarşı mübarizəni təhlükə altına alır.

Xəbərin altındakı ictimai şərhlərdə isə bildirilir ki, bu, ABŞ-ın NATO-da müttəfiqi olan Türkiyəyə qarşı ən sərt qınağıdır.

Pentaqonun Hərbi Hava Qüvvələrinin briqada generalı Pat Rayder bildirib ki, "Suriyada son hava zərbələri İŞİD-i məğlub etmək və on mindən çox İŞİD məhbusunu nəzarətdə saxlamaq üçün Suriyada yerli tərəfdaşlarla işləyən ABŞ şəxsi heyətinin təhlükəsizliyinə birbaşa təhdiddir".

Qeyd edək ki, həmin əməliyyat rəsmi Ankara tərəfindən Türkiyə ərazisinə mütəmadi hücumlar edərək bölgədəki türk vətəndaşlarına qarşı ciddi təhlükəyə çevrilmiş kürd yaraqlılarına qarşı həyata keçirilib

pia.az