FİFA prezidenti Canni İnfantino Qətərin müdafiəsinə qalxdı və Qərbi ikiüzlülükdə ittiham edib...
“Bizim üç min ildə elədiklərimiz başqalarına mənəviyyat dərsi keçmək haqqını vermir. Əksinə mən düşübürəm ki, üç min ildə etdiklərimizə görə qarşıdakı üç min ildə başqalarından üzr istəməliyik”.
PİA.az xəbər verir ki, belə bir açıqlama ilə FİFA prezidenti Canni İnfantino Qətərdəki dünya çempionatını boykot etməyə çağıran avropalıların çağırışlarını dəyərləndirərkən çıxış edib.
İnfantino bildirib ki, avropalılar öz tarixlərini təhlil etməlidirlər, Qətərdəki dünya çempionatını boykot etməyə çağırmamalıdırlar:
“Bu o demək deyil ki, Qətərdə mövcud olan problemlərə əhəmiyyət verməməliyik. Amma bu problemləri birtərəfli təqdim etmək ikiüzlülükdür. Avropalıların kiməsə xlaq dərsi keçməsi ümumiyyətlə ikiüzlülükdür!”.
Özünün də avropalı olduğunu vurğulayan FİFA prezidenti qeyd edib ki, Avropa son üç min ildə elədiklərinə görə üzr istəməlidir:
“Mən də avropalıyam. Düşünürəm ki, Bizim üç min ildə elədiklərimiz başqalarına mənəviyyat dərsi keçmək haqqını vermir. Əksinə mən düşübürəm ki, üç min ildə etdiklərimizə görə qarşıdakı üç min ildə başqalarından üzr istəməliyik”.
pia.az