Rusiya Gürcüstan sərhədində hərbi çağırış üzrə operativ qrup işləyir.....
APA-nın Rusiya bürosu xəbər verir ki, bu barədə Şimali Osetiya Respublikası başçısının və hökumətinin mətbuat xidməti məlumat yayıb.
Bildirilib ki, Gürcüstanla sərhəddə hərbi komissarlıq və icra hakimiyyəti orqanlarının nümayəndələri də daxil olmaqla, çağırış üzrə operativ qrup işləyir. Onlar sərhəddən çıxışda şəxsin hərbi xidmətə cəlb edilib-edilmədiyini, çağırışa cəlb olunub-olunmadığını yoxlayırlar. Məlumat öz təsdiqini tapdığı təqdirdə, həmin adama çağırış vərəqəsi təqdim olunur.
***
Rusiya-Gürcüstan sərhədində fövqəladə vəziyyət tətbiq oluna bilər.
APA-nın Rusiya bürosu xəbər verir ki, bu barədə Şimali Osetiyanın rəhbəri Sergey Menyaylo bildirib.
O, Gürcüstanla sərhəddə yerləşən Şimali Osetiyada fövqəladə vəziyyət tətbiq oluna biləcəyini söyləyib.
Qeyd edək ki, Rusiyada səfərbərlik elan edildikdən sonra bu ölkədən Gürcüstana gedənlərin sayı kəskin artıb.
***
Rusiya-Gürcüstan sərhədini keçmək istəyən avtomobillərin sayı 5 500-ə çatıb.
“Report” xəbər verir ki, məlumatı TASS yayıb.
Bildirilib ki, bunların 3 600-ü minik avtomobilləridir, 1900-ü isə tranzit məqsədilə hərəkət edən yük avtomobilləridir. Məlumata görə, bu yük avtomobillərin 600-ü nəzarət-keçid məntəqəsindədir.
Qeyd edək ki, bir müddət əvvəl Gürcüstanla sərhəddə Rusiyanın hərbi komissarlığının yoxlama-nəzarət məntəqəsinin açılacağına dair məlumat yayılıb.
Xatırladaq ki, Rusiya Prezidenti Vladimir Putinin qismən səfərbərlik elan etməsindən sonra viza ləğv olunmayan ölkələrə axın artıb.
pia.az
Digərxəbərlər
Populyar xəbərlər
