"Moody's" Türkiyənin kredit reytinqini 11 ildən sonra ilk dəfə yüksəldib

"Report" bu barədə "Bloomberg"ə istinadən xəbər verir.

Kredit reytinqi müsbət proqnozla iki səviyyə artaraq B3-dən B1-ə yüksəlib.

Bu, S&P və "Fitch Ratings"in reytinqlərindəki artımdan sonra baş verib.

Agentliyin bəyanatında qeyd edilir ki, Türkiyə Mərkəzi Bankının türk lirəsinə inamı bərpa edə bilib.

Türkiyənin maliyyə və xəzinə naziri Mehmet Şimşək "Moody's"un qərarını şərh edərək deyib:

“Moody's ilk dəfə kredit reytinqimizi iki pillə qaldırdı! 11 illik fasilədən sonra bu artım bizim həyata keçirdiyimiz proqramın nəticəsidir. İqtisadiyyatımızın dayanıqlığını artırmağa davam edəcəyik”.

Bundan əvvəl "Fitch Ratings" reytinq agentliyi Türkiyənin kredit reytinqini "B"dən "B+"-a yüksəldib.

Poliqon.info