Kürdəmirdə baş verən bıçaqlanma hadisəsinin təfərrüatları məlum olub.
"Unikal"ın əldə etdiyi məlumata görə, hadisə ötən gün gecə saatlarına baş verib. Belə ki, qardaşını bıçaqlayan Şıxəliyev Cavanşir Rasim oğlu psixi problemlərdən əziyyət çəkir. Eyni zamanda o, nitq qüsurludur. Zərərçəkmiş Şıxəliyev Mübariz Rasim oğlu isə məhkumluq həyatı yaşayıb. O, bir müddət öncə azadlığa çıxıb.
Hər iki şəxs subay olub. Onların atası bir neçə il öncə dünyasını dəyişib.
***
Kürdəmirdə qardaşlar arasında yaranan mübahisə qanla bitib.
"Unikal" xəbər verir ki, hadisə rayonun Təklə kəndində qeydə alınıb.
Kənd sakini, 31 yaşlı Şıxəliyev Cavanşir Rasim oğlu qardaşı 35 yaşlı Şıxəliyev Mübariz Rasim oğluna aralarında yaranmış şəxsi münaqişə zəminində bir neçə bıçaq xəsarəti yetirib. Ağır xəsarət alan Mübariz Şıxəliyev Kürdəmir rayon Mərkəzi Xəstəxanasına yerləşdirilib.
Faktla bağlı araşdırma aparılır.
pia.az