“Azərbaycanda vahid istintaq orqanının yaradılması bəlkə də dövlət üçün ən zəruri məsələdir. Bu, istintaq işinin keyfiyyətcə kökündən dəyişməsi, qurumlar arasında ziddiyyətə və nüfuz savaşına son qoymaq demək olardı”.
Novator.az-a açıqlamasında Milli Məclisin üzvü, hüquqşünas Fazil Mustafa belə deyib.
Ölkədə 8 orqan istintaq aparır: prokurorluqla yanaşı Daxili İşlər Nazirliyi, Ədliyyə Nazirliyi, Fövqəladə Hallar Nazirliyi, Dövlət Gömrük Komitəsi, Dövlət Təhlükəsizlik Xidməti, Dövlət Sərhəd Xidməti, Dövlət Vergi Xidməti qurumlarına belə səlahiyyət verilib. Bütün qurumlarda istintaqa nəzarəti Baş Prokurorluq həyata keçirir.
Novator.az-a mövzu ilə əlaqədar danışan hüquqşünas, sabiq prokurorluq və ədliyyə əməkdaşı Ənnağı Hacıbəyli deyib ki, istintaqın belə parçalanması onun keyfiyyətinin aşağı düşməsinə, qeyri-professionallığa və idarə mənafeyinin hüquq və azadlıqların təmin olunmasından üstün tutulmasına səbəb olur:
“Rusiya və başqa ölkələrin təcrübəsində istintaqın bir əldə cəmləşməsi praktikası var. Bu, gerçək prokuror nəzarəti şəraitində istintaqın parçalanmasından doğan problemlərin aradan qaldırılmasına imkan verir. Məncə, Azərbaycanda da belə bir islahat tədbirinin vaxtı çoxdan çatıb”.
pia.az
Digərxəbərlər
Populyar xəbərlər
