Beyləqanda tender qalibi “Vaqif” firmasının işini dövlət idarələri görür...

Beyləqandan PİA.AZ-a daxil olan məlumata görə rayonda həyata keçirilən abadlıq-quruculuq işlərinin qalibi olan “Vaqif” firmasının işini Komunnal Təsərrüfat İdarəsinin işçiləri həyata keçirir. Belə ki, 1 milyonluq tenderin qalibi olan “Vaqif” firması hazırda rayonda abadlıq işləri ilə məşğuldur. Ancaq rayon mərkəzində kanal qırağı salınan parkdakı işləri “Vaqif” firmasının əvəzinə Asif Ağayevin tapşırığı ilə Komunnal Təsərrüfat İdarəsi həyata keçirir. Tikinti işlərinə cəlb edilən Komunnal Təsərrüfat İdarəsinin işçilərinə isə əlavə əmək haqqı verilimir. Məlumatda qeyd edilir ki, icra başçısı Asif Ağayevin göstərişi ilə rayon Kommunal Təsərrüfat İdarəsinin müdiri Arzu Bəndəliyev abadlıq işinə birbaşa nəzarət edir.

Verilən məlumatda qeyd edilir ki, bir milyonluq tenderin qalibi olan “Vaqif” firmasının hazırda həyata keçirtdiyi abadlıq-quruculuq işləri çox bərbad haldadır. Bunun bir səbəbi işlərin əksəriyyətinin Komunnal Təəsrrüfat İdarəsi işçilərinin gösməsi ilə bağlayırlar. İcra başçısı Asif Ağayev dövlət müəsissəsinin işçilərini işlətməklə “Vaqif” firmasının onlar üçün ayırdığı vəsaiti mənimsədiyi iddia edilir. Qeyd edək ki, bu il Beyləqan şəhərində abadlıq quruculuq işləri üçün keçirilən tenderin qalibi, icra başçısı Asif Ağayevin yaxın adamı olan, mal-qara bazarının müdiri Qəhrəman Qəhrəmanov olub. Beyləqan rayon icra hakimiyyəti ilə heç kəsin tanımadığı “Vaqif” firması ilə 1 milyon manatlıq müqavilə bağlanıb.

Ötən həftə ölkə mətbuatında “Vaqif” firmasının Beyləqanda gördüyü abadlıq işlərinin həddindən artıq bərbad olması barədə məlumat yayılmışdı. Həmin məlumatda vurğulanırdı ki, “Vaqif” firmasının rəhbəri Qəhrəman Qəhrəmanov bərbad abadlıq işlərinin günahını icra başçısı Asif Ağayevdə görür. Çünki icra başçısı 1 milyonluq tenderdən daha çox qazanc əldə etmək üçün görüntü naminə iş görülməsi tapşırığı verib.

Mövzuya qayıdacağıq.

pia.az