Tədbir "N" saylı hərbi hissədə keçirilib...
"N" saylı hərbi hissədə Azərbaycan Xalq Cümhuriyyətinin hərbi naziri, general Səməd bəy Mehmandarovun doğum gününə həsr olunmuş tədbir keçirilib.
Müdafiə Nazirliyinin mətbuat xidməti xəbər verir ki, anım mərasimində çıxış edənlər Səməd bəy Mehmandarovun şərəfli həyat və döyüş yolundan danışıb, dövrünün görkəmli şəxsiyyətlərindən biri, eləcə də tanınmış hərb xadimi kimi Azərbaycan xalqı üçün xidmətlərindən bəhs ediblər.
Çıxışlardan sonra tədbir iştirakçıları Səməd bəy Mehmandarovun həyat və fəaliyyətindən bəhs edən videoçarx izləyiblər.
Tədbir Həzi Aslanov adına Ordu İdeoloji və Mədəniyyət Mərkəzinin yaradıcı kollektivi tərəfindən hazırlanmış hərbi vətənpərvərlik mahnılarından ibarət konsert proqramı ilə başa çatıb.
pia.az
Digərxəbərlər
Populyar xəbərlər
