Cümə, 17 May 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“Təhsil krediti maliyyə krediti deyil” - Ağacan Abıyev

Problemin 2020-ci ildə həllini gözləmək olarmı və 2020-ci ilin büdcə layihəsində bu sahəyə vəsait ayrılıbmı?

Ağacan Abiyev: “Milli Məclisin Elm və təhsil komitəsində tələbələrə təhsil kreditinin verilməsi məsələsi müzakirə edilməyib”.

Tələbələrə təhsil kreditinin verilməsi problem olaraq qalmaqdadır. Ötən aylarda təhsil naziri Ceyhun Bayramov açıqlama vermişdi ki, 2019-2020-ci tədris ilində Azərbaycanda işlək tələbə kredit sistemi təsis ediləcək. Təhsil Nazirliyi bu sahəyə aidiyyəti olan qurumlarla birlikdə intensiv hazırlıq işləri görüb və işlər bu gün də davam etdirilir.

Həmçinin təhsil naziri Ceyhun Bayramov bildirmişdi ki, tələbə krediti məsələsi üzrə yaradılan işçi qrup aidiyyəti dövlət qurumlarının nümayəndələri ilə birlikdə fasiləsiz iş aparır: “Ümid edirəm ki, yekun layihə yaxın zamanda hökumətə təqdim ediləcək”, deyə nazir bildirmişdi.

O da məlumdur ki, ölkəmizdə “Maarifçi” Tələbə Kredit Fondu tələbələrə belə bir imkan təklif edir, amma geniş tələbə kütləsi bundan istifadə edə bilmir və ödənişli təhsil alan tələbələrin böyük qismi hazırda təhsil pullarını verə bilmir, ya da böyük sıxıntı çəkirlər. Bu problemin 2020-ci ildə həllini gözləmək olarmı və 2020-ci ilin büdcə layihəsində bu sahəyə vəsait ayrılıbmı?

Mövzu ilə bağlı PİA.az-ın əməkdaşı Milli Məclisin Elm və təhsil komitəsinin üzvü Ağacan Abıyevə mürciət edib.

Ağacan Abıyev: “Ödənişli ixtisaslarda ödənilən pul dövlət rüsumudur (?) və tələbə də oxumalı, pulunu da ödəməlidir”.

Təhsil krediti deyən kimi hamının ağlına pulun gəldiyini vurğulayan millət vəkili PİA.az-a açıqlamasında bildirib ki, təhsil krediti deyərkən tələbələrə pul verilməsindən söz getmir. Burada elmin, biliyin kreditindən söhbət gedir. Ödənişli təhsil də kredit deyil:

Milli Məclisin Elm və təhsil komitəsində tələbələrə təhsil kreditinin verilməsi məsələsi müzakirə edilməyib. Bir məsələyə aydınlıq gətirim ki, çox insanlar kredit problemini yalnış başa düşürlər. Bildiyimiz kimi iki cür kredit var. Biri var maliyyə krediti, biri də var təhsil krediti. Təhsil sistemində maliyyə kreditinin heç bir əlqəsi yoxdur. Təhsil krediti və maliyyə kreditləri fərqli anlayışlardır. Çünki müəllim biliyini tələbəyə kredit kimi, yəni borc kimi verir. Tələbə də o borcu imtahanda müəllimə qaytarmalıdır.

Təhsil krediti deyən kimi hamının ağlına pul gəlir. Təhsil krediti deyərkən tələbələrə pul verilməsindən söz getmir. Burada elmin, biliyin kreditindən söhbət gedir. Ödənişli təhsil də kredit deyil. Məgər tələbə universitetə girəndə kimdənsə borc alıb ki, indi də borcun qaytarsın? Ödənişli ixtisaslarda ödənilən pul dövlət rüsumudur (?) və tələbə də oxumalı, pulunu da ödəməlidir.

Ağacan Abıyev: “Məgər tələbə universitetə girəndə kimdənsə borc alıb ki, indi də borcun qaytarsın?”.

Azərbaycan kredit sistemini xaricdən götürüb. Kredit sistemi də belədir ki, sən müəllimə olan borcu yaxşı qaytarsan 10 bal, normal qaytarsan isə 8 bal alırsan. Lap aşağı bal toplayanda isə kreditə qalırsan. Buna görə də deyirəm ki, təhsil krediti tamam başqadır. Hələ görünməyib ki, ali məktəb tələbələrinə kredit versin ki, onlar oxusunlar. Ən inkişaf etmiş ölkələrdə də belə bir məsələ yoxdur.

Düzdür dövlət bəzi tələbələrə kömək edir, elə tələbələr də var ki, onlara ailə vəziyyətinə görə dövlət köməklik edir. Amma bir daha qeyd edim ki, bunun təhsil krediti ilə bağlılığı yoxdur”.

Qeyd edək ki, Milli Məslisin Elm və Təhsil komitəsinin üzvü və uzun illər boyu rektor vəzifəsində çalışan Ağacan Abıyevin bizə verdiyi açıqlamadan belə görünür ki, deputatın ümumiyyətlə təhsil krediti haqqında məlumatı yoxdur.

Nərminə UMUDLU
pia.az



Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Deputatın 64 yaşlı qudası 11 nəfəri işə düzəltmək adı ilə aldadıb

Məktəb direktorunun müavininin qətli törətdikdən sonra meyiti basdırdığı ərazidən görüntülər

Bakıda 15 yaşlı qız özünü binadan atdı: Hadisə yerindən görüntülər - Video

Zümrüd cin atına mindi: “Murdarsınız, sizə yazığım gəlir”

Azərbaycanlı deputat ziyafətdə mahnı oxudu - Video

Azərbaycan və Belarus prezidentləri “Caspian Agro” və “InterFood Azerbaijan” sərgiləri ilə tanış olublar - Yenilənib

Zelenski: “Rusiyanı ədalətli sülhə məcbur etməliyik”

Prezident İlham Əliyev və Aleksandr Lukaşenko mətbuata bəyanatlarla çıxış ediblər - Yenilənib

XİN-in idarə rəisi BƏƏ səfiri ilə iqtisadi əməkdaşlığın perspektivlərini müzakirə edib

Sərbəst güləş üzrə Azərbaycanın U-15 millisi Avropa çempionatının qalibi olub

Fransa millisinin AVRO-2024 üçün heyəti açıqlanıb

Ən çox oxunanalar