Hollivudun məşhur aktyoru, döyüş filmlərinin “ulduzu” Mark Dakaskos Azərbaycan xalqının qəhrəman oğlu, ikinci dünya müharibəsində Fransa Müqavimət Hərəkatında döyüşmüş Əhmədiyyə Cəbrayılov haqqında çəkiləcək bədii filmdə oynamağa razılıq verib
PİA.az media.az-a istinadən bildirir ki, bu barədə filmi çəkməyə hazırlaşan Rusiyanın “Mac Entertainment Consulting and Recruiting” şirkətinin produseri Aleks Karim açıqlama verib: ““Generalların önündə” filminin ssenarisi ilə Hollivudda maraqlanıblar. Biz artıq Mark Dakqaskosun agenti İbrahim Xarayevlə saziş imzalamışıq”.
Xatırladaq ki, bir müddət öncə “Mac Entertainment Consulting and Recruiting” şirkətinin Əhmədiyyə Cəbrayılovla bağlı film çəkməyə hazırlaşdığı xəbəri yayılıb. Fransanın arxiv sənədləri əsasında çəkiləcək bu ekran əsəri Ə.Cəbrayılovun Fransa Müqavimət Hərəkatında keçdiyi döyüş yolundan bəhs edəcək. A.Karimin sözlərinə görə, Mark Dakaskosun prosesə cəlb edilməsi filmə marağı daha da artıracaq.
Mark Dakaskos dünya şöhrətli aktyordur. Bu ilin may ayında onun Kian Rivz və Holli Berri ilə birgə rol aldığı “Con Uik-3” filmi dünya premyerası olacaq.
pia.az
Digərxəbərlər
Populyar xəbərlər
