Qarabaşaq həm dadlı, həm də çox faydalı bir məhsuldur
Digər yarmalarla müqayisədə məhz qarabaşaq yarmasının tərkibində çoxlu miqdarda zülal vardır.
Axşam.az xarici KİV-ə istinadən qarabaşağın digər faydaları haqda məlumat verir:
Karbohidratların az olmasına görə qarabaşaq pəhriz məhsulu sayılır və diabet xəstələrinə, arıqlamaq istəyənlərə və digər qrup insanlara uyğun gəlir.
Bundan əlavə qarabaşaq vitamin və mikroelementlərlə zəngindir. Bu yarmada olan fol turşusu ürək və damarları möhkəmləndirir, qanın tərkibini yaxşılaşdırır. Bundan əlavə qarabaşaqda dəmir, kalsium, sink, fosfor, yod, mis və digər insan orqanizmi üçün çox vacib olan mikroelementlər vardır.
Digər yarmalar kimi qarabaşaq da sellüloz ilə zəngindir ki, mədə-bağırsaq sisteminin normal işləməsi üçün çox vacibdir, orqanizmdə olan şlakları və digər zəhərli maddələri xaric edir.
Qarabaşaq xüsusən uşaqların qidalandırılmasında mühüm rol oynayır. Onun qəbulu uşaqların fiziki və əqli inkişafına çox müsbət təsir edir.
Yaşlı insanların rasionunda da qarabaşaq mütləq olmalıdır. O, ateroskleroz və hipertoniya, artrit və digər xəstəlikləri zamanı orqanizmə böyük kömək edir.
pia.az