ABŞ Venesueladakı böhranı müzakirə etmək üçün BMT Təhlükəsizlik Şurasını şənbə günü təcili toplantıya çağırıb
ABŞ-ın BMT Daimi Nümayəndəliyi Twitter hesabından verdiyi açıqlamada, BMT Təhlükəsizlik Şurasını şənbə günü yerli saat ilə 09:00-da toplantıya çağırdığını bəyan edib.
Pompeo da iştirak edə bilər
ABŞ-ın xarici işlər naziri Mayk Pompeonun da toplantıya qatılması gözlənilir.
Venesuelada dünən müxalifət və iqtidar tərəfdarlarının keçirdiyi aksiyalar ölkə və region üçün son dərəcə əhəmiyyətli hadisələrə yol açmışdı.
Müxalifətçilərin aksiyasında özünü müvəqqəti prezident elan etmiş Milli Məclis sədri Xuan Guaidonu başda ABŞ olmaqla, Kanada, Kolumbiya, Peru, Ekvador, Paraqvay, Braziliya, Çili, Panama, Argentina, Kosta-rika və Qvatemala kimi ölkələr tanımışdı.
Dövlət başçısı Nikolas Maduro isə paytaxt Karakasdaki Prezident Sarayının eyvanından minlərlə Venesuelalıya səslənmiş, ABŞ ilə bütün əlaqələri kəsdiyini və bu ölkənin diplomatlarına Venesuelanı tərk etmələri üçün 72 saat möhlət verdiyini açıqlamışdı. (Müxalifət.az)
pia.az