Bu gün Bakıda Beynəlxalq Gimnastika Federasiyasının (FIG) 82-ci Konqresi başa çatıb
FIG-in Nizamnaməsinə əsasən, ən yüksək ali orqan sayılan Konqresdə 115-dən çox ölkədən ümumilikdə 300-ə yaxın nümayəndə iştirak edib.
Konqresin ikigünlük iclaslı zamanı FIG prezidentinin və texniki koordinatorun hesabatları, eləcə də gimnastika növləri üzrə qurumun Texniki komitələrinin hesabatları dinlənilib. Sonra FIG-in daxililində olan qitə ittifaqlarının rəhbərləri hesabat məruzələri ilə çıxış ediblər.
FIG-in rəhbər orqanları, o cümlədən strukturun üzv federasiyaları tərəfindən Konqresdən əvvvəl irəli sürülmüş təklifləri müzakirə olunub. Bundan əlavə, beynəlxalq qurumun Nizamnaməsinə və qaydalarına dəyişikliklər, FIG-ə yeni üzvlərin qəbulu ilə, həmçinin hər hansı bir federasiyanın qurumdan xaric edilməsi ilə bağlı məsələlər müzakirə edilib, növbəti Konqresin keçirilmə yeri müəyyən olunacaq.
Qeyd edək ki, Konqresdən əvvəl noyabrın 29-da Bakıda FIG-in Prezident Komissiyasının iclası, noyabrın 30-dan dekabrın 1-dək isə ali gimnastika qurumunun İcraiyyə komitəsinin iclasları keçirilib.
Xatırladaq ki, 2017-ci ilin mayında Beynəlxalq Gimnastika Federasiyasının rəhbər orqanlarından olan FIG Şurasının iclası da məhz paytaxtımızda təşkil olunub.(Trend)
pia.az