Böyük Britaniyada zəhərlənmiş Rusiya Baş Kəşfiyyat İdarəsinin (BKİ) eks-polkovniki Sergey Skripal İsveçrə xüsusi xidmətləri ilə də əlaqədə olub
Bu barədə jurnalist Mark Urbanın «The Skripal Files» kitabında söhbət açılır.
«The Telegraph» nəşrinin yazdığına görə, 2017-ci ilin yayında Skripal bir həftə İsveçrədə olub. Onun yerli kəşfiyyat xidmətlərinə nələri danışması barədə heç nə bildirilmir. Ehtimal olunur ki, Skripal Ümumdünya anti-dopinq agentliyinə kiberhücum barədə onlara xəbər vermiş olsun. Belə ki, London Rusiyanı məhz bunda şübhəli bilir.
Bundan əvvəl, oktyabrda Britaniya hakimiyyəti Rusiya BKİ-ni bütün dünya üzrə, o cümlədən WADA və ABŞ Demokrat partiyasına kiberhücumların təşkilində günahlandırmışdı. Rusiyanın Britaniyadakı səfiri Aleksandr Yakovenko bu ittihamları qəbul etməmişdi.
Məhz bundan sonra – martın 4-də Solsberidə eks-polkovnik, Britaniya casusu Sergey Skripal və qızı Yuiyanı zəhərləyiblər. Bu insidentə görə, London bütün məsuliyyəti Kremlin üzərinə qoymuşdu.
pia.az