İsrailin Baş naziri Benyamin Netanyahu bildirib ki, Qəzza zolağında qalan girovların azad edilməsinə dair HƏMAS ilə razılaşma yalnız gücdən istifadə etməklə bağlana bilər...
Poliqon xəbər verir ki, bunu Benyamin Netanyahu Qüdsdə Amerikanın ən böyük yəhudi təşkilatlarının rəhbərləri ilə şam yeməyi zamanı deyib.
“Girovların azad edilməsinə qəti hərbi əməliyyatlar və çox sərt danışıqlar yolu ilə nail olmaq olar. Bu qəti mövqeyə təzyiqlər də daxil olmalıdır”, deyə Baş nazir yəhudi təşkilatlarının rəhbərləri ilə görüşündə bildirib.
Eyni zamanda, Netanyahu bildirib ki, təzyiq təkcə Fələstin qrupuna deyil, həm də Qətərdən başlayaraq HƏMAS-a təzyiq göstərə bilənlərə də göstərilməlidir.
"Qətər heç kəs kimi HƏMAS-a təzyiq göstərə bilər. Onlar HƏMAS liderlərini qəbul edirlər, HƏMAS maliyyə cəhətdən onlardan asılıdır", deyə Neyanyahu vurğulayıb.
Qeyd olunur ki, dövlət başçısının bəyanatı girovların azad edilməsi üçün danışıqların dalana dirəndiyi şəraitdə edilib.
Xatırladaq ki, HƏMAS daimi atəşkəs üçün İsrail ordusunun Qəzzadan tamamilə çıxarılmasında israrlıdır, İsrail buna qəti şəkildə qarşıdır.
Media qeyd edir ki, İsrail HƏMAS-ı razılığa gəlməyə məcbur etmək üçün Rəfəhdə gözlənilən hərbi əməliyyatı rıçaq kimi istifadə etməyə çalışır.
Poliqon.info
Digərxəbərlər
Populyar xəbərlər
