“Hizbullah”ın elit “Radvan” xüsusi təyinatlı qüvvələri İsraillə sərhəddən geri çəkilir, onları HƏMAS döyüşçüləri əvəz edəcək...
Poliqon xəbər verir ki, bu barədə Walla nəşri məlumat yayıb. Xəbərdə qeyd edilir ki, İsrail ordusunun Livanın cənubuna endirdiyi zərbələr nəticəsində “Hizbullah” və onun yaraqlılarının infrastrukturunun təxminən yarısını məhv edilib, Qeyd olunur ki, bu səbəbdən təşkilatın lideri Nəsrullah çətin dilemma ilə üzləşib: ya “Hizbullah”ın elit “Radvan” xüsusi təyinatlı qüvvələri sərhəddə qalıb itki verməlidir, ya da onları geri çəkmək gərəkir.
Nəşr vurğulayır ki, “Radvan” qüvvələrinin bir hissəsi İsrail ordusunun hücumlarının qurbanı olmamaq üçün artıq geri çəkilib. Nəsrullah sərhədə HƏMAS yaraqlılarından ibarət dəstələr göndərir. Walla qeyd edir ki, Nəsrullaha görə HƏMAS qüvvələrini İsrail ordusunun hücumları zamanı qurban vermək daha sərfəli görünür.
Qeyd edək ki, “Radvan” “Hizbullah”ın silahlı qüvvələrinin ən elit və döyüşə hazır birliyidir. Bu birliyin sayı təxminən 5000 nəfərdir.
Poliqon.info
Digərxəbərlər
Populyar xəbərlər
