Şimali Atlantika Alyansı (NATO) ölkələri hələlik ÜDM-in 2%-ni müdafiəyə xərcləmək öhdəliyini yerinə yetirə bilməyəcək...
Poliqon xəbər verir ki, bu barədə “Defence One” beynəlxalq konsaltinq şirkəti “McKinsey”in araşdırmasına istinadən məlumat yayıb.
“Maliyyələşdirmənin artırılması ilə bağlı siyasi bəyanat vermək bir şeydir. Bu vəsaitləri ayırıb sənayeyə yönəltmək başqa məsələdir”, deyə analitik Guillaume de Ranyeri bildirib.
O qeyd edib ki, hədəf səviyyəyə çatmaq üçün bir çox NATO ölkələri illər sərf etməli olacaq və bu da Ukraynaya yeni silah sistemləri və sursatların çatdırılma səviyyəsinə, həmçinin sürətinə xüsusilə güclü təsir göstərir. Üstəlik, de Ranyeri qeyd edir ki, döyüş əməliyyatları zamanı İkinci Dünya Müharibəsi ilə müqayisə oluna biləcək miqdarda sursat istifadə olunur.
Ümumilikdə, son on ildə Avropanın müdafiə xərcləri 4% artıb.
Qeyd edək ki, bundan əvvəl NATO ölkələrinə ÜDM-in 2%-ni müdafiəyə xərcləmək öhdəliyi qoyulub. Qarşıdakı illərdə bu həddin daha da artırılması proqnozlaşdırılır.
Poliqon.info