Latviyanın miqrasiya qanununa edilən dəyişikliklərə görə minlərlə Rusiya vətəndaşı ölkədən qovulmaq ərəfəsindədir...
Poliqon xəvbər verir ki, bu barədə Rusiyanın Latviyadakı müvəqqəti işlər vəkili Oleq Zıkov Birinci Kanalda məlumat verib.
Diplomat qeyd edib ki, hazırda Latviyada Rusiya vətəndaşlarının hüquqlarına hörmətlə bağlı "son dərəcə kəskin" vəziyyət mövcuddur. O, xüsusən də daimi yaşayış icazələrinin kütləvi şəkildə ləğv edilməsinə diqqət çəkib.
"Yerli miqrasiya xidməti tamamilə qeyri-insani və fikrimizcə, ölkənin miqrasiya qanununa ayrı-seçkilik xarakterli düzəlişlərin tələblərinə vaxtında cavab verməyən rusların daimi yaşayış icazələrini kütləvi şəkildə ləğv etməyə başlayıb", Oleq Zıkov vurğulayıb.
O əlavə edib ki, müvafiq qanunvericilik təşəbbüsünün həyata keçirilməsi ilə əlaqədar bir çox Rusiya vətəndaşı Latviyadan qovulma riski ilə üzləşib. Eyni zamanda, söhbət eyni anda bir neçə min nəfərdən gedir.
2023-cü ilin sentyabrında Latviya parlamenti Rusiya vətəndaşlarının daimi yaşama icazələrinin dayandırılmasını nəzərdə tutan miqrasiya qanununa düzəlişlər qəbul edib. Bu sənədlərin qüvvədə olma müddəti yalnız dövlət dilini bilmək sertifikatı verilməklə uzadıla bilərdi.
Poliqon.info