Microsoft, Çində yerləşən “Storm-0558”haker qrupunun Qərbi Avropadakı dövlət qurumları ilə əlaqəli e-poçt hesablarını uğurla sındırdığını bildirib...
Poliqon xəbər verir ki, bu barədə Associated Press Agentliyi məlumat yayıb. Agentlik Microsoft –a istinadən yazır ki, haker qrupu təxminən 25 təşkilata, o cümlədən dövlət qurumlarına, eləcə də fərdi hesablara icazəsiz giriş əldə edə bilib.
Qeyri-adi e-poçt fəaliyyəti ilə bağlı Microsoft-a şikayətlər daxil olana qədər haker demək olar ki, bir ay ərzində diqqətdən kənarda qalıb.
Microsoft-un rəhbərlərindən biri Çarli Bell vurğulayıb ki, hakerlər ilk növbədə kəşfiyyat məlumatlarını toplamaq üçün e-poçt sistemlərinə daxil olmağa çalışıblar.
Microsoft qeyd edib ki, hakerlər hədəflənmiş poçt qutularına daxil olmaq üçün lazım olan istifadəçilərin şəxsiyyətini yoxlamaq üçün istifadə edilən autentifikasiya nişanları ilə manipulyasiya eedərək poçt qutularını sındıra biliblər.
Poliqon.info