Məhkəmə-Hüquq Şurasının videokonfrans formatında iclası keçirilib.
Qurumdan "Report"a verilən məlumata görə, iclasda Bakı şəhəri Sabunçu Rayon Məhkəməsinin hakimi Fəqan Əhmədov barədə cinayət təqibinin həyata keçirilməsinə razılıq verilməsinə dair Baş prokurorun təqdimatına baxılıb.
Baş prokurorun birinci müavini Elçin Məmmədov məlumat verib ki, Pərvanə Əhmədovanın qətli ilə bağlı Baş Prokurorluq tərəfindən başlanılmış cinayət işi üzrə toplanmış materiallara əsasən, onun əri, Bakı şəhəri Sabunçu Rayon Məhkəməsinin hakimi Fəqan Əhmədov şübhəli şəxs qismində tutulub və barəsində cinayət təqibinin həyata keçirilməsinə razılıq verilməsi üçün Şuraya müraciət edilib.
Hazırda cinayətin törədilmə səbəbi, şəraiti və iş üzrə digər mühüm hallar araşdırılır.
Məhkəmə-Hüquq Şurasının iclasında təqdimatın təmin edilməsi qərara alınıb.
***
Sabunçu Rayon Məhkəməsinin hakimi Fəqan Əhmədovun həyat yoldaşı Pərvanə Əhmədovanı odlu silahla qətlə yetirməsi ilə bağlı detallar açıqlanıb.
PİA.az xəbər verir ki, bu barədə e-huquq.az-a F.Əhmədovun vəkili Bəylər Məmişov məlumat verib. Vəkil hadisənin tərəflər arasında zarafat zəmnində baş verdiyini deyib.
"Fəqan Əhmədovun həyat yoldaşını guya qəsdən öldürməsi ilə bağlı məlumatlar həqiqətə uyğun deyil. Hadisə zarafat zəmnində baş verib. Fəqan Əhmədov odlu silahla ehtiyasız davranıb. Belə ki, o silahın boş olmasından əmin olub. Silahı zarafata həyat yoldaşına tuşlayıb və bədbəxt hadisə baş verib. Təqsirləndirələn şəxs Baş Prokurorluğun İstintaq idarəsində ifadəsi zamanı da bunları qeyd edib", - deyə B.Məmişov qeyd edib.
Qeyd edək ki, Baş Prokurorluğun yaydığı məlumata görə, mayın 30-da paytaxt sakini Əhmədova Pərvanə Süleyman qızının qəsdən öldürülməsi faktı ilə bağlı Cinayət Məcəlləsinin 120.1-ci (qəsdən adam öldürmə) maddəsi ilə Sabunçu rayon prokurorluğunda başlanan cinayət işi üzrə istintaqın aparılması Baş Prokurorluğun rəhbərliyinin göstərişinə əsasən Baş Prokurorluğun İstintaq idarəsində tapşırılıb. Əhmədov Fəqan Rövşən oğlunun özünə məxsus ov tüfəngindən atəş açaraq Pərvanə Əhmədovanı qəsdən öldürməsinə əsaslı şübhələr müəyyən edilib. Fəqan Əhmədov şübhəli şəxs qismində istintaqa cəlb edilib. Hazırda iş üzrə zəruri istintaq tədbirləri davam etdirilir.
pia.az
Digərxəbərlər
Populyar xəbərlər
