Rusiya Təhlükəsizlik Şurasının sədr müavini ermənilərə xəbərdarlıq edib...
Dmitri Medvedev əmindir ki, Qərb Ermənistanı Avropa İttifaqına (Aİ) dəvət etmək fikrində deyil və Ukrayna da yaxın gələcəkdə bunu əldə edə bilməyəcək.
Poliqon xəbər verir ki, Rusiyanın sabiq prezidenti və baş naziri bu barədə “Rossiyskaya qazeta”da dərc olunan məqaləsində yazıb.
“KTMT və Aİİ çərçivəsində müttəfiqlik münasibətləri ilə möhkəmlənən rus və erməni xalqları arasında çoxəsrlik dostluq çoxdan Vaşinqton və onun müttəfiqlərinin gözündə tikan olub. Zaqafqaziya respublikasını Avro-Atlantik düşərgəyə çəkmək üçün mühüm resurslar sərf edilir”, deyə Medvedyev məqaləsində baş verənləri təsvir edib.
Medvedyev xəbərdarlıq edib ki, İrəvana tam sədaqət müqabilində “qızıl dağları”, o cümlədən Avropa İttifaqına üzvlük təklif olunur.
“Ancaq özünüzü aldatmayın: bu cür vədlər sadəcə olaraq neokolonial siçan tələsinin yemidir. Heç kim “elitar klubun” qapılarını erməni xalqının üzünə açmaq fikrində deyil. Neo-Banderaitlərdən soruşun ki, onlar Aİ-yə üzv ola biliblərmi? Xeyr və onlar bunu tezliklə əldə etməyəcəklər”, deyə Medvedev ermənilərə düşünməyi təklif edib.
Poliqon.info