İlon Mask: Kiyev müdafiəyə çəkilməli idi, lakin Qərb onu hücuma məcbur etdi...
Poliqon xəbər verir ki, Amerikalı milyarder, “X” sosial şəbəkəsinin sahibi, “SpaceX” və “Tesla” şirkətlərinin baş direktoru İlon Mask “X” sosial şəbəkəsindəki səhifəsində Ukrayna ordusunun döyüş meydanındakı mövqeyini dəyərləndirib. Maska görə, Ukrayna Silahlı Qüvvələri müdafiəyə keçməli olduğu halda, Qərb dövlətləri onları əks-hərbi əməliyyat keçirməyə məcbur edib.
“Bir neçə ay əvvəl mən Ukraynaya müdafiəni əsas məqsəd kimi qoymağı tövsiyə etmişdim, lakin Qərb israrla onu hücuma məcbur etdi”, deyə Mask yazıb.
İş adamının sözlərinə görə, “möhkəmləndirilmiş mövqelərə hücum edənlər ağır itki verəcəklər”, Ukrayna ordusu da belə olub.
Biznesmenin sözlərinə görə, Rusiya Silahlı Qüvvələri indi hər yerdə Ukrayna Silahlı Qüvvələrinə təzyiq göstərir və yeni əraziləri öz nəzarətinə götürür.
Qeyd edək ki, bir müddət əvvəl Mask, Ukrayna hakimiyyəti Moskva ilə sülh danışıqlarından imtina etsələr, Odessa və Xarkov üzərində nəzarəti itirəcəyini istisna etməmişdi.
Poliqon.info