Bakı-Şamaxı yolunda baş verən zəncirvari qəzada ölən olub
Baş Dövlət Yol Polis İdarəsindən ANS PRESS-ə verilən məlumata görə, hadisə Qobustan rayonunun Mərəzə qəsəbəsi ərazisində qeydə alınıb.
Belə ki, "Ford" markalı avtomobil əvvəlcə qarşıdan gələn "VAZ-21-099" markalı avtomobillə toqquşub. Daha sonra "Ford" "VAZ-2107" markalı avtomobilə çırpılıb. Zərbənin təsirindən "VAZ-2107" markalı avtomobil yolun kənarındakı dərəyə yuvarlanıb. Qəza zamanı maşının sürücüsü dünyasını dəyişib.
Digər avtomobillərin də sürücüləri xəsarət alıb.
Faktla bağlı araşdırma aparılır.