RT-nin baş redaktoru Marqarita Simonyan “Rossiya 1” telekanalında “Vladimir Solovyovla bazar günü axşamı” tok-şousunda Rusiyada Vladimir Putinin əleyhdarlarını müzakirə edib...
Poliqon xəbər verir ki, Rusiya təbliğat platformasının əsas ruporlarından biri olan Simonyanın fikrincə, xaricdəki müxalifətə qarşı Avropaya qoşun göndərməklə, Rusiyadakı müxalifəti isə onları asılmaqla mübarizə aparmaq lazımdır.
Simonyanın çıxışından kimin bəyanatlarının və ya nəşrlərinin onu bu cür arqumentlər irəli sürməyə vadar etdiyi bəlli deyil.
Erməni təbliğatçı rus müxalifətçilərinin və müstəqil jurnalistlərin Qərbdə təriflənməsinə qəzəblənib və Rusiyanın bu halda nəyə can atmalı olduğunu izah etməyə çalışıb. O, 1812-ci ildə olduğu kimi, Avropaya “boz paltolu 300 min tamaşaçı” göndərmək gərəkdiyini vurğulayıb.
Həmçinin Simonyan ölkə daxilindəki rejimin əleyhdarları üçün 1863-cü il Polşa qiyamının yatırılmasından sonra “cəllad” ləqəbli qraf Mixail Muravyovun təcrübəsinə qayıtmağı təklif edib.
Qeyd edək ki, Rusiya federal televiziya kanallarında mütəmadi olaraq düşmənləri məhv etməyə çağıran təbliğat proqramları göstərilir. Məsələn, Dövlət Dumasının deputatı Andrey Qurulev 2023-cü ilin sonunda Putinə etibar etməyən hər kəsi təcrid etməyə və ya məhv etməyə, “daxili düşmənlərə” ölüm cəzasını qaytarmağa və yazıçı Boris Akunini məhv etməyə çağırıb. Lakin onun ritorikası Kremlə çox aqressiv görünüb və o, “Rossiya 1”in efirindən uzaqlaşdırılıb.
Poliqon.info