Makron Qərb hərbiçilərinin Ukraynaya göndərilməsini istisna etməyib

Poliqon xəbər verir ki, Fransa prezidenti Ukrayna ordusuna orta və uzun mənzilli raketlər və bombalar tədarükünü vəd edib. Bundan əlavə, Makron etiraf edib ki, Qərb öz qoşunlarını Ukraynaya göndərilə bilər. Xatırladaq ki, daha əvvəl bunu Slovakiyanın Baş naziri Robert Fiko bəyan edib.

Fransa prezidentinin fikrincə, Avropa və Fransa Qərb qoşunlarının Ukraynaya göndərilməsi imkanını istina etməməlidir.

“Bu gün quru qoşunlarının rəsmi, nəzərdə tutulan və təsdiq edilmiş şəkildə yerləşdirilməsi ilə bağlı konsensus yoxdur. Amma dinamikada heç nəyi istisna etmək olmaz. Biz Rusiyanın bu müharibədə qalib gələ bilməməsi üçün lazım olan hər şeyi edəcəyik”, deyə Makron bildirib.

Qeyd edək ki, Yelisey sarayında keçirilən görüşdə iştirak edənlər beş sahədə əməkdaşlıq haqqında razılığa gəliblər. Bunlara kibermüdafiə, Ukraynada yüksək güclü silah və sursatların birgə istehsalı, Rusiyanın Ukraynaya hücumu ilə birbaşa təhdid edilən ölkələrin, xüsusən də Moldovanın müdafiəsi, Belarusla sərhəddə Ukraynaya qeyri-hərbi dəstək, ərazilərin minalardan təmizlənməsi əməliyyatları daxildir. Toplantıda Finlandiya, Litva, Rumıniya, Polşa, Almaniya, Danimarka, Slovakiya, Niderland, Xorvatiya, Latviya, Yunanıstan, İspaniya, Avstriya, Böyük Britaniya, İtaliya və s. Avropa ölkələrinin rəhbərləri iştirak ediblər.

Ukrayna Prezidenti Vladimir Zelenski görüşdə videobağlantı vasitəsilə iştirak edib.

Parisdə keçirilən görüşdə Macarıstanın baş naziri Viktor Orban və İsveçin baş naziri Ulf Kristersson iştirak etməyib və onlar bunu İsveçin NATO-ya üzvlüyünün təsdiqlənməsi prosedurunun başa çatdırılmasının zəruriliyi ilə izah ediblər.

Poliqon.info