Macarıstan hökuməti hələ də OTP bankın “müharibənin beynəlxalq sponsoru” siyahısında saxlandığına görə Avropa İttifaqının Ukraynaya hərbi yardım üçün maliyyələşdirməsini müzakirə etməkdən imtina edib...
Poliqon xəbər verir ki, bu barədə Macarıstanın müdafiə naziri Kristof Salay-Bobrovniski bildirib.
O, bu sözləri İspaniyanın Toledo şəhərində Aİ həmkarları ilə qeyri-rəsmi görüşündən sonra Facebook-da paylaşdığı videoda deyib.
“Ukrayna Macarıstanın ən böyük bankı OTP-ni “müharibənin beynəlxalq sponsorları” siyahısına salıb. Mən görüşdə izah etdim ki, bu, qəbuledilməzdir. Nə qədər ki, OTP bu siyahıdan çıxarılmayıb, biz Ukraynaya hərbi yardımın maliyyələşdirilməsi ilə bağlı danışıqları davam etdirməyəcəyik”, deyə nazir bildirib.
Aİ-nin baş diplomatı Cozep Borrell görüşdən sonra bildirib ki, qurum 2024-2027-ci illər üçün Ukraynaya hərbi yardım fondu yaratmağı planlaşdırır və bu fond hər il 5 milyard avro xərcləyə bilər.
Poliqon.info