Londonun Notting Hill bölgəsində keçirilən Karib karnavalının ilk günündə 90 nəfər saxlanılıb, 15 polis əməkdaşı yaralanıb...
Poliqon xəbər verir ki, öolisin hesablamalarına görə, ümumilikdə tədbirdə yüz minlərlə insan iştirak edib. Təhlükəsizliyi 7 minə yaxın asayiş keşikçisi təmin edib. London polisi X sosial şəbəkəsində bəzilərinin bu karnavala cinayət törətmək və zorakılıq etmək üçün qatıldığını yazıb.
Son məlumatlara görə karnavalda 3 nəfər bıçaqlanıb. Onlardan biri 32 yaşlı qadın və digət iki nəfər isə 24 və 29 yaşlı kişilərdir. Qadının həyatı təhlükədədir.
Əksər hallarda iştirakçılar narkotik vasitələrin saxlanmasına, o cümlədən satışına görə saxlanılıblar. Həbslər həm də təhlükəli silahların olması, fövqəladə hallar xidmətinin əməkdaşlarına hücumlar, quldurluq və cinsi xarakterli cinayətlərlə də bağlıdır.
Xatırladaq ki, Notting Hill Karnavalı 1964-cü ildən keçirilir. Londonda keçirilən tədbir günlərində cinayətlərin, o cümlədən bıçaqlı silahlardan istifadə ilə törədilən cinayətlərin və narkotiklərlə bağlı cinayətlərin sayı artır.
2023-cü ildə karnavalın ilk günündən sonra 80-dən çox adam saxlanılıb.
Poliqon.info