Ukrayna Slovakiyada keçirilən parlament seçkilərində rusiyayönlü partiyanın qələbəsindən və Polşada keçiriləcək səsvermədən narahat deyil...
Poliqon xəbər verir ki, bunu Ukraynanın Xarici İşlər naziri Dmitri Kuleba Sovakiyada keçirilən seçkiinin nəticələrini şərh edərkən Politico nəşrinə deyib.
“Bu dövlətlərin hər ikisi başa düşürlər ki, Kiyevin təhlükəsizliyi onların təhlükəsizliyidir”, deyə Ukrayna Xarici İşlər Nazirliyinin rəhbəri bildirib.
Dmitri Kuleba qeyd edib ki, Kiyev Slovakiyadakı seçkinin nəticəsini reallıq kimi qəbul edir:
“Biz Slovakiya və Polşadakı seçkilərdən qorxmuruq və bunu reallıq kimi qəbul edirik. Şübhə etmirəm ki, bəzən həddindən artıq qızğın seçkiqabağı müzakirələrə və emosiyalara baxmayaraq, hər iki ölkənin xalqı başa düşür ki, Ukraynanın təhlükəsizliyi onların da təhlükəsizliyidir. Slovak və polyak xalqları Rusiyanın yanında yaşamaq istəmir”, deyə Dmitri Kuleba Politico nəşrinə müsahibəsində deyib.
Qeyd edək ki, dünən Slovakiyada keçirilən parlament seçkilərində rusiyayönlü keçmiş Baş nazir Robert Fikonun qalib gəldiyi məlum olub. Bəzi ekspertlər hesab edir ki, səsvermənin nəticələri NATO və Avropa İttifaqının birliyinə təhlükə yarada bilər.
Poliqon.info