Avropa İttifaqı (Aİ) Kiçik və Orta Biznesin İnkişafı Agentliyinə (KOBİA) 1 mln. avro yardım ayıracaq
"Report" xəbər verir ki, bu barədə Bakıda keçirilən 9-cu Azərbaycan Mikromaliyyə Konfransından Aİ-nın yerli nümayəndəliyinin rəhbəri Kestutis Jankauskas məlumat verib.
“Aİ-nın Azərbaycana ayırdığı vəsaitlər üzrə prioritet sahələr təhsil, o cümlədən peşə təhsili, kənd yerləri əraziləri və kənd təsərrüfatının inkişafıdır. İndiyə qədər KOBİA-nın yaradılmasına, eləcə də bu sahədə qanunun qəbul edilməsinə dəstək vermişik. Həmçinin Agentliyə 1 mln. avro yardım göstərəcəyik”, - deyə o, qeyd edib.
Bundan başqa, səfirin sözlərinə görə, Aİ-nın Azərbaycan Mikromaliyyə Asssosiasiyası (AMFA) ilə birgə kənd yerlərinə dəstəklə bağlı dəyərti 10 mln. ABŞ dolları olan təşəbbüsü var: “Yaxın aylarda AMFA 4 əsas regionun inkişafı üçün qrantların yönəldiləcəyi istiqamətləri açıqlayacaq. 2020-ci ildə Lənkəran iqtisadi zonasının inkişafına başlayacağıq. Burada əsas məsələ meyvə- tərəvəzçiliyin inkişafı, rəqabət qabiiyyətinin artırılmasıdır”.
pia.az
Digərxəbərlər
Populyar xəbərlər
