2022-ci ildə Azərbaycan Respublikası Kiçik və Orta Biznesin İnkişafı Agentliyi tərəfindən 122 müxtəlif istiqamətlər üzrə hazırlanmış normativ sənədlərin layihəsi üzrə rəy və təklif verdi.
PİA.az Trend-ə istinadən bildirir ki, bu barədə bu gün Azərbaycan Respublikası Kiçik və Orta Biznesin İnkişafı Agentliyinin sədri Orxan Məmmədov 2022-ci ilin yekunlarına həsr olunmuş mətbuat konfransında deyib,
Onun sözlərinə görə, 2022-ci ildə sahibkarlıq sferasında dövlət siyasətinin formalaşması və tənzimlənməsində iştirakı çərçivəsində Agentliyin təşəbbüsü ilə hazırlanmış iki normativ-hüquqi akt qəbul edilib, həmçinin üç digər qanun layihəsi razılaşdırılıb.
"Beləliklə, "Mikro, kiçik və orta sahibkarlığın inkişafı haqqında" qanun layihəsi Milli Məclisdə hər üç oxunuşdan keçib. Bu qanun mikro, kiçik və orta sahibkarlığın inkişafı sahəsində münasibətləri tənzimləyəcək və onlara göstərilən dövlət dəstəyinin stimullaşdırılmasının forma və metodlarını müəyyən edəcək. Bundan başqa, Bakı şəhərini və bölgələri əhatə edən, 2,5 mindən artıq KOB subyektinin iştirak etdiyi doqquz sorğu keçirilib", - O.Məmmədov deyib.
O həmçinin Agentlik tərəfindən üç minə yaxın sahibkarın iştirak etdiyi 137 görüşün təşkil olunduğunu, Agentliyin nəzdindəki İctimai Şura tərəfindən isə 550-dən artıq sahibkarın iştirakı ilə yeddi ictimai müzakirənin təşkil olunduğunu əlavə edib.
pia.az
Digərxəbərlər
Populyar xəbərlər
