KİV: Husilərə qarşı zərbələr ABŞ-ı Yaxın Şərqdə genişmiqyaslı münaqişəyə cəlb edir

Poliqon xəbər verir ki, bu barədə Amerikanın The Wall Street Journal qəzeti yazıb.

"Ağ Evin planlarına son zərbə Husi qüvvələrinin Yəməndə davamlı hücumları olub. ABŞ və müttəfiqləri İranın dəstəklədiyi husilərin nəzarəti altında olan onlarla bölgəni hava və raket zərbələri ilə hədəfə alıb. Bu mübadilələr ABŞ-ı daha geniş münaqişəyə cəlb edir və regional gərginliyi gücləndirməklə hədələyir", deyə nəşr yazır.

Qəzet vurğulayır ki, Qəzza zolağında davam edən müharibə, Qırmızı dənizdə və digər yerlərdə eskalasiya fonunda ABŞ-ın regionda vəziyyəti sabitləşdirmək məqsədlərinə nail olmaq mümkün deyil.

Qeyd edək ki, son dövrlər husilər Qırmızı dənizdə ticarət gəmilərinə hücumları artırıb. Onlar bunu İsrailin Qəzzadakı hərəkətləri ilə əlaqələndirir və anklavda müharibənin dayandırılmasını tələb edir. Buna cavab olaraq ABŞ və Böyük Britaniya dekabrın 12-də Yəməndəki Husi hədəflərinə hava zərbələri endirib. Ümumilikdən 90-dan çox hədəf vurulub. Zərbələr sonrakı günlərdə də davam edib. Eyni zamanda ABŞ və Böyük Britaniyadan başqa müttəfiq ölkələri əməliyyatlara qoşulmayıb.

Poliqon.info