Britaniyada mühafizəkarlar parlament seçkilərində uduza bilərlər

Böyük Britaniyanın baş naziri Rişi Sunak ilk dəfə etiraf edib ki, rəhbərlik etdiyi Mühafizəkarlar Partiyası gələcək parlament seçkilərində məğlub ola bilər və bundan sonra qalib gələn siyasi qüvvəyə yeni hökuməti qurmaq vəzifəsi verilə bilər.

Poliqon xəbər verir ki, Sunak bunu “The Times” qəzetinə müsahibəsində mayın 2-də keçirilən regional seçkilərin nəticələrini şərh edərkən bildirib.

Nəşr yazır ki, Mühafizəkarlar son yerli seçkilərdə böyük itkilərə məruz qalıblarvə müxtəlif dövlət seçkili orqanlarında - bələdiyyə, yerli və regional şuralarda yerlərin demək olar ki, yarısını itiriblər. Faktiki olaraq Torilər 2021-ci il seçkilərindən sonra tutduqları 989 yerdən 474-nü itiriblər. Hakim partiya yalnız 515 regional mandatı özündə saxlaya bilib. Mühafizəkarları təkcə Keir Starmerin rəhbərliyi altında olan Leyboristlər Partiyası (1158 yer, üstəgəl 186 mandat) deyil, həm də Liberal Demokratlar Partiyası (522 yer, üstəgəl 104 mandat) ötüb.

“Bu nəticələr göstərir ki, biz leyboristlərin ən böyük partiya olaraq ortaya çıxacağı parlamentə doğru gedirik”, deyə Sunak yerli seçkiləri şərh edərkən deyib.

Qeyd edək ki, Britaniyada parlament seçkilərinin vaxtı hələ açıqlanmayıb, lakin onların bu ilin payızında keçiriləcəyi ehtimalı yüksəkdir. Bundan əvvəl İngiltərədə iradə ifadəsinin nəticələrini bütün ölkəyə ekstrapolyasiya edən Sky News telekanalı ümumi seçkilərdə leyboristlərin 35%, mühafizəkarların isə 26% səs qazanacağını proqnozlaşdırıb. Bu, Keir Starmerin partiyasına 650 yerlik İcmalar Palatasında 294 yer verəcək. Bu isə digər siyasi qüvvələrlə güzəştə getmədən təkbaşına hökumət qurmaq üçün lazım olduğundan 32 yer azdır.

Poliqon.info