Qəzza zolağına ərzaq çatdıran qeyri-kommersiya təşkilatı olan World Central Kitchen (WCK) bir neçə əməkdaşının İsrailin atəşi nəticəsində həlak olduğunu bildirib...
Poliqon xəbər verir ki, Anklavın Səhiyyə Nazirliyi ölənlər arasında Britaniya, Avstraliya və Polşa vətəndaşları olduğunu bildirib. Ölən dördüncü şəxsin vətəndaşlığı müəyyən edilməyib.
“Bu gün WCK İsrail ordusunun Qəzzaya endirdiyi zərbələr nəticəsində bir neçə bacı və qardaşını itirdi”, deyə QHT qurucusu Xose Andrés AFP-yə bildirib
Qəzza Səhiyyə Nazirliyi qeyd edib ki, İsrailin atəşindən sonra World Central Kitchen-ın 4 əcnəbi əməkdaşı və onların fələstinli sürücüsünün cəsədləri Deyr əl-Bəlahdakı xəstəxanaya aparılıb. AFP-nin müxbiri xəstəxanada beş cəsədin yanında üç xarici pasportun olduğunu görüb.
AFP xəbər verir ki, WCK Kiprdən dəniz yolu ilə humanitar yüklərin çatdırılmasında iştirak edir, həmçinin Qəzzada müvəqqəti körpünün tikintisinə kömək edir,.
İsrail Müdafiə Qüvvələri (IDF) Agentliyə bildirib ki, bu faciənin səbəblərini anlamaq üçün ən yüksək səviyyədə hərtərəfli araşdırma aparır. IDF əlavə edib ki, fələstinlilərə yardım göstərmək üçün WCK ilə sıx əməkdaşlıq edir.
Poliqon.info