İsrail hakimiyyəti girovları azad etmək üçün HƏMAS-la razılaşma çərçivəsində 30 fələstinli məhbusu azad edib...
Poliqon xəbər verir ki, bu barədə Qətərin “Əl-Cəzirə” telekanalı məlumat yayıb.
Telekanalın məlumatına görə, müvəqqəti atəşkəs razılaşması çərçivəsində İsrail hakimiyyəti tərəfindən azad edilən 30 fələstinli məhbusun olduğu avtobus Qırmızı Xaç Cəmiyyətinin tibbi qruplarının müşayiəti ilə Ofer həbsxanasından çıxıb. Fələstinli məhbusların İordan çayının qərb sahilindəki Ramallah şəhərinə aparılıb.
Qeyd edək ki, oktyabrın 7-də HƏMAS İsrailə hücumu zamanı 240-a yaxın insanı girov götürüb. Noyabrın 22-də İsrail və HƏMAS humanitar yardımın çatdırılmasını və girovların İsrailə təhvil verilməsi müqabilində İsrail həbsxanalarından fələstinli məhbusların azad edilməsini nəzərdə tutan müvəqqəti atəşkəs barədə razılığa gəliblər.
Poliqon.info