Amerikalı iş adamı İlon Mask Respublikaçılar Partiyasından prezidentliyə namizəd Vivek Ramasvamiyə etimad göstərdiyini açıqlayıb...
Poliqon xəbər verir ki, iş adamı X sosial şəbəkəsinin istifadəçilərindən birinin Maskın Ramasvamiyə güvənib-güvənmədiyini soruşduqda sahibkar müsbət cavab verib.
Qeyd edək ki, Vivek Ramasvami prezident olarsa, ABŞ-ı NATO-dan çıxaracağını vəd edib. Onun fikrincə, alyansın “Soyuq Müharibə”dən sonrakı ekspansionizmi Rusiya ilə böyük münaqişə riskini əsassız olaraq artırıb. Ramasvami həmçinin bildirib ki, Amerika hakimiyyəti Rusiyaya Ukraynanın NATO-ya qəbul edilməyəcəyinə dair söz verməlidir. Onun sözlərinə görə, belə bir “sövdələşmə” Ukrayna münaqişəsini həll edəcək.
Poliqon.info