İki ölkədə meymunçiçəyindən ölümlər qeydə alınıb

Meksika və Kubada meymunçiçəyi ilə bağlı iki ölüm faktı qeydə alınıb, baxmayaraq ki, heç bir ölkə ölümləri virusla əlaqələndirməyib.

Məlumat Braziliya və Ekvadorda son bir ay ərzində bildirilən meymunçiçəyi ilə bağlı ölümlərdən sonra ortaya çıxıb.

Meksikanın Səhiyyə Nazirliyi bildirib ki, ekspertlər septik şok və pnevmoniyadan ölən İİV xəstəsinin ölüm səbəbini araşdırırlar: onun meymunçiçəyi testi müsbət çıxıb.

Ümumilikdə, Meksikada 386 təsdiqlənmiş və 862 ehtimal olunan meymunçiçəyi hadisəsi qeydə alınıb.

Kuba səlahiyyətliləri 50 yaşlı italiyalı kişinin şənbə günü meymunçiçəyi diaqnozu qoyulduqdan sonra bazar günü öldüyünü açıqlayıblar.

pia.az