Husilər Norveç gəmisinə zərbə endirdiklərini təsdiqləyiblər

Poliqon TASS Agentliyinə istinadən xəbər verir ki, bunu hərəkatın sözçüsü Yəhya Saria bildirib. Onun sözlərinə görə, gəmi İsrailə neft yükü aparırmış.

Husilərin bildirdiyinə görə, son iki gün ərzində onlar “Yəmən Hərbi Dəniz Qüvvələrinin xəbərdarlığına cavab verməyən bir sıra gəmilərin keçidinə mane olublar”. Sariya qeyd edib ki, husi yaraqlıları “ekipaj bütün xəbərdarlıqları rədd etdikdən” sonra Norveç gəmisinə hücum ediblər

Qeyd edək ki, dünən, dekabrın 11-də Qırmızı dənizdə Norveç tankeri atəşə tutulub. ABŞ Mərkəzi Komandanlığının məlumatına görə, insident gəmi Bab əl-Məndəb boğazından keçərkən baş verib. Hücum nəticəsində gəmidə yanğın baş verib, lakin xəsarət alan olmayıb.

Poliqon.info