Türkiyə hüquq-mühafizə orqanlarının apardığı araşdırma zamanı təhlükəsizlik güclərində ölkə hakimiyyətinə qarşı sui-qəsdin olduğunu təsdiqləyən dəlillər aşkar edilməyib...
Poliqon xəbər verir ki, bu barədə Türkiyənin "Hürriyyət" qəzeti yazıb.
Bundan əvvəl Türkiyə prezidenti Rəcəb Tayyib Ərdoğan dövlət çevrilişinə cəhdlə bağlı xəbərdarlıq etdikdən sonra kəşfiyyat və Ədliyyə Nazirliyinin rəhbərləri ilə fövqəladə iclas keçirib. Türkiyənin daxili işlər naziri Əli Erlikaya hakimiyyətə və insanlara qarşı işləyən strukturları müəyyən etmək niyyətində olduğunu açıqlayıb. Bundan əvvəl Ankara Təhlükəsizlik İdarəsində polis əməkdaşları cinayət təşkilatı ilə əlaqədə olmaq ittihamı ilə işdən çıxarılaraq saxlanılıblar.
"Ankara Baş Prokurorluğu və Daxili İşlər Nazirliyinin müstəntiqləri Serdar Serçelikin (cinayətkar təşkilatın ikinci adamı Ayhan Bora Kaplanın-red.) ifadələrində yer alan çevriliş cəhdi iddiaları ilə bağlı araşdırmalarını yekunlaşdırıb. İstintaq nəticəsində dövlət çevrilişinə cəhd ittihamlarını dəstəkləyəcək heç bir dəlil tapılmayıb", deyə hökumət dairələrinə yaxın yazar Abdulkadir Selvi qeyd edib.
Eyni zamanda, onun sözlərinə görə, mafiyanın ölkənin hakim partiyasına (AKP) qarşı əməliyyat keçirməyə cəhd etməsi ilə bağlı versiya qüvvədə qalır:
"Hazırda polis rəhbərlərinin mafiyadan istifadə edərək partiyaya qarşı dövlət çevrilişinə cəhd göstərməsi iddiası prokurorluq və müstəntiqlər tərəfindən aparılan araşdırmalarla öz təsdiqini tapmayıb. Bununla belə, mafiyanın partiyaya qarşı əməliyyat keçirməyə çalışdığı iddiası qüvvədə qalır".
Poliqon.info
Digərxəbərlər
Populyar xəbərlər
